Of studie took he most cure and most hede. Noght o word spak he more than was nede, And that was seyd in forme and reverence, And short and quik, and ful of hy sentence. Souninge in moral vertu was his speche, And gladly wolde he lerne, and gladly teche.
"Sye," he seyd, "be the same hatte I can knowe yf my wyfe be badde To me by eny other man; If my floures ouver fade or falle, Then doth my wyfe me wrong wyth alle As many a woman can."
On a nygth, as this creatur lay in hir bedde wyth hir husbond, sche herd a sownd of melodye so swet and delectable, hir thowt, as sche had ben in paradyse. And therwyth sche styrt owt of hir bedde and seyd, "Alas, that evyr I dede synne, it is ful mery in hevyn."margery kempe